Message from Chairman
ကျွန်တော်များ Amata Holding Public Co., Ltd အောက်ရှိ Amata Hotel လုပ်ငန်းများအုပ်စုဟာ ပထမဆုံးဟိုတယ်ကို ငပလီကမ်းခြေ၌ ၂၀၀၃ခုနှစ်တွင် စတင်ခဲ့ပြီး(၁၇)နှစ်ကျော် ကာလအတွင်း ပြည်တွင်းပြည်ပ ခရီးသွားဧည့်သည်များအား အကောင်းဆုံး ဝန်ဆောင်မှုပေးနိုင်ခဲ့ကာ Amata Hotel Group ရဲ့ဟိုတယ်များ အနေနဲ့ ၂၀၁၉-၂၀၂၀ခုနှစ်အတွင်းမှာလည်း နိုင်ငံတကာအသိအမှတ်ပြု ဆုတံဆိပ်များစွာ ထပ်မံလက်ခံရရှိခဲ့ပြီး မြန်မာ နိုင်ငံခရီးသွားလောကမှာ အောင်မြင်တဲ့ ဟိုတယ်လုပ်ငန်းများအုပ်စုအဖြစ် ဆက်လက်ရပ်တည် လျက်ရှိပါတယ်။ ယခုအခါ Amata Hotel အုပ်စုအနေနဲ့ ပြည်တွင်းပြည်ပခရီးသွားများ မဖြစ်မနေ သွားရောက်လည်ပတ်လေ့ရှိတဲ့ ငပလီ၊ ပုဂံ၊ အင်းလေး ဒေသများတွင်သာမက အခြား မြန်မာနိုင်ငံအတွင်း ခရီးသွားဖွံ့ဖြိုးမှုအလားအလာရှိတဲ့ နေရာဒေသ အများအပြားမှာ သင့်လျော်သော ဟိုတယ်အမျိုးအစား၊ အမှတ်တံဆိပ်များဖြင့် အရှိန်အဟုန်မြှင့် တိုးချဲ့ဖွင့်လှစ် ဆောင်ရွက်လျက် ရှိပါတယ်။
မြန်မာနိုင်ငံရဲ့ အလားအလာအရှိဆုံး စီးပွားရေးလုပ်ငန်းများအနက် ခရီးသွားလုပ်ငန်းဟာ ပြည်တွင်းပြည်ပလုပ်ငန်းရှင်များ အထူးစိတ်ဝင်စားတဲ့ လုပ်ငန်းရပ် တစ်ခုဖြစ်လာခဲ့ပြီး အောင်မြင်မှုရရှိအောင် အခက်အခဲပေါင်းများစွာကိုလည်း ရင်ဆိုင်ကျော်ဖြတ်ခဲ့ရသလို၊ ထပ်မံကြုံတွေ့ရမည့် စိန်ခေါ်မှုများလည်း ကြုံတွေ့ရင်ဆိုင်ရပါဦးမယ်။ ပြီးခဲ့သောနှစ်တွင် ရခိုင်ပြည်နယ်အတွင်း ဖြစ်ပွားခဲ့သော မတည်ငြိမ်မှုများ ကြောင့် မြန်မာနိုင်ငံ၏ ခရီးသွားပုံရိပ်ကျဆင်းမှုနှင့်အတူ ခရီးသည်ဝင်ရောက်မှုများ လျော့နည်းခဲ့သော်လည်း နှစ်ကုန်ပိုင်းနှင့် ယခုနှစ်အစပိုင်းတွင် မြန်မာ့ခရီးသွား လုပ်ငန်းမှာပြန်လည်ဦးမော့လာခဲ့ပါတယ််။ သို့သော်လည်း ကိုဗစ်-၁၉ ကပ်ရောဂါ ကမ္ဘာအနှံ့ကူးစက် ပြန့်ပွားမှုကြောင့် ကမ္ဘာ့စီးပွားရေး ကျဆင်းမှုကို ရင်ဆိုင်နိုင်ရန် အတွက်၊ မိမိတို့အနေဖြင့် စရိတ်သက်သာစေရေး ကာလတိုစီမံချက်တစ်ရပ် ချမှတ် ထားပြီး လုပ်ငန်းလည်ပတ်မှု သင့်လျော် ထိရောက်မှုရှိရန်အတွက် ဝန်ဆောင်မှု စရိတ်များနှင့် လုပ်ငန်းလည်ပတ်မှုစရိတ်များကို အနိမ့်ဆုံးဖြစ်ရန် စီမံ ထားရှိပါသည်။
ထို့ပြင် မဖြစ်မနေလိုအပ်သောဝန်ထမ်းများကိုသာ လုပ်ငန်းခွင် လည်ပတ်မှုများတွင် ထားရှိပြီး၊ ယာယီလစာလျှော့ချထားသည့် ပုံစံ ဖြင့်၊ ကျန်ဝန်ထမ်းများကို ဖြစ်နိုင်သမျှ နေအိမ်မှလုပ်ကိုင်စေသည့် အစီအမံချမှတ်ထားခြင်းဖြင့် လုပ်ငန်းစု၏ လစာစရိတ်ကို လျော့ကျစေပါသည်။ လုပ်ငန်းစု၏ ပိုင်ဆိုင်သော ဟိုတယ်များနှင့် အပန်းဖြေစခန်းများ ပြန်လည်ဖွင့်လှစ်နိုင်ရေးပြင်ဆင်ရာတွင် ကျန်းမာရေးဆိုင်ရာ တစ်ကိုယ်ရေအကာ အကွယ်ပစ္စည်းများနှင့် အခြားကျန်းမာရေးသုံး သန့်ရှင်းရေး ဆိုင်ရာပစ္စည်းများ ဝယ်ယူထားရှိပြီး ကိုဗစ်-၁၉ ကာကွယ်ရေးအစီအမံများနှင့်အညီ နေ့စဉ်လူမှုဘဝတွင် ခပ်ခွာခွာနေထိုင်ခြင်း (Social distancing measures) များ စီမံထားရှိပါသည်။
နိုင်ငံခြားသားများထံမှ ကြိုတင်အခန်း ငှားရမ်းမှာယူမှု ကျဆင်းလာသောကြောင့်၊ လုပ်ငန်းစုအနေဖြင့် ကြိုတင် အခန်းငှားရမ်းမှာယူမှု မြှင့်တင်ရန်နှင့် ကိုဗစ်-၁၉ ကပ်ရောဂါကြောင့် ကျဆင်း နှေးကွေးမှုကို ထေမိစေရန်၊ ယခုအခါ ပြည်တွင်းခရီးသွားလာမှုကို အဓိက အာရုံစိုက်ထားပြီး ယင်းနှင့်စပ်လျဉ်း၍ အရောင်းမြှင့်တင်ရေးနှင့် စျေးကွက် ရှာဖွေရေး အစီအမံများ ဆွေးနွေးညှိနှိုင်းလျက်ရှိကာ မိမိတို့ အနေဖြင့် ကြံ့ကြံ့ခံ၍ အကောင်းဆုံး ဖြစ်အောင် ကျော်လွှားဆောင်ရွက်နိုင် ရန်စီစဉ် ထားကြပါတယ်။
ကျွန်တော်တို့ Amata Holding Public Company Limited အနေနဲ့ အများပိုင်ကုမ္ပဏီအဖြစ် အသွင်ကူးပြောင်း ခဲ့ပြီးနောက် ကုမ္ပဏီ၏ အဓိကရည်မှန်းချက်မှာ မြန်မာနိုင်ငံရဲ့ အဓိကအားထားရတဲ့ ခရီးသွားလုပ်ငန်း ကုမ္ပဏီကြီးတစ်ခုအဖြစ် တည်ထောင်ဆောင်ရွက်သွား နိုင်ရန်ဖြစ်ပါတယ်။ သို့ဖြစ်၍ ကုမ္ပဏီအနေဖြင့် ဟိုတယ်လုပ်ငန်းများကို တိုးချဲ့လုပ်ကိုင်ခြင်း၊ အခြားခရီးသွားဝန်ဆောင်မှုလုပ်ငန်းများ လုပ်ကိုင် ခြင်း၊ ခရီးသည်ပို့ဆောင်ရေးလုပ်ငန်း၊ စားသောက်ဆိုင် နှင့် အဖျော်ယမကာရောင်းချခြင်းဆိုင်များ၊ ရဟတ်ယာဉ်၊ ရေပေါ်ဆင်းသက် လေယာဉ်ပျံ များဖြင့် ခရီးသွားဧည့်သည်များအား Sightseeing ကြည့်ရှုခြင်းလုပ်ငန်းများကိုပါ တိုးချဲ့လုပ်ကိုင်ဆောင်ရွက်သွားဖို့ စီစဉ်ဆောင်ရွက်လျက် ရှိပါတယ်။
ကျွန်တော်တို့၏ အဓိကရည်မှန်းချက်ပန်းတိုင်မှာ နိုင်ငံတကာစာရင်းဝင် အင်အားကြီးမားသော ကုမ္ပဏီကြီးတစ်ခုအဖြစ် နောင်အနာဂါတ် နှစ်ပေါင်းများစွာ ခရီးသွားလုပ်ငန်းမှာ ဆက်လက်ဦးဆောင်သွားနိုင်ဖို့ဖြစ်ပြီး မြန်မာနိုင်ငံ၏ ဟိုတယ်နှင့် ခရီးသွား လုပ်ငန်းအား တစ်ဖက်တစ်လမ်းမှ ကောင်းမွန်စွာ ထောက်ပံ့ပေးနိုင်မည်ဟုလည်း ယုံကြည်မိပါသည်။
ဝင်းအောင်
ဥက္ကဌ
အမတဟိုးလ်ဒင်း အများပိုင်ကုမ္ပဏီလီမိတက်
Our Amata Hotel Group, under Amata Holding Public Co., Ltd, began operations in 2003 as the group's first hotel in Ngapali Beach over 15 years ago and serving the best service to our guests. Also in 2019-2020, Amata Hotels have also received more international recognition awards and still leading as a successful hotel groups in Myanmar. Amata Hotel Group already developed hotels in a must-visit destination as Ngapali Beach, Bagan and Inle Lake. In addition to these regions, many other potential destinations for tourism development in other parts of Myanmar are in the right type of hotel with significant growth is underway with brands.
One of Myanmar's most promising businesses, tourism has become most interesting business to invest by local and foreign investors, and it has had to overcome many obstacles to achieve success. There will also be challenges ahead. Even the tourism image drop, and tourist arrivals decrease in Myanmar due to the turmoil in Rakhine State last year, we can overcome these period of difficulties and Myanmar tourism was revived.
Then to tackle the Covid-19 pandemic and global economic downturn, we have in the short term adopted a cost savings plan in which utilities costs and operations costs are kept at a minimum for optimum operational efficiency. Further, only essential staff are retained for on-site operations and other staff have adopted a work-from-home arrangement where possible, on a temporary reduced salary structure, thereby reducing the Group’s salary costs.
In preparation for the re-opening of the various hotels and resorts in the Group’s portfolio, personal protection equipment and sanitization tools have been procured. Social distancing measures will also be employed in compliance with the Ministry Health and Sports measures on Covid-19. Given the decline in hotel travel bookings from foreigners, the Group is now focusing on the domestic travel segment in a bid to increase bookings, to cope with the Covid-19 pandemic slow down. The management is currently in discussion on promotion and marketing plans in this regard.
After Amata Holding Public Company Limited's transformation into a public company, the company's mission is to become one of Myanmar's largest tourism companies. As a result, the company is expanding its hotel businesses, other travel services, passenger transportation, restaurants and liquor stores. Helicopter and Sea plane services are also planning to expand its sightseeing business to tourists.
We believe that our main goal is to become a leading internationally recognized company in the future for the future and to support Myanmar's hotel and tourism industry in a positive way.
Win Aung
Chairman
Amata Holding Public Company Limited